D’Equipe hannert Ärer Kichen
Bei Le Couturier de la Cuisine begleeden Iech déi selwecht Leit duerch Äre ganze Projet: Berodung am Showroom, Planung an 3D, Bestellung a Montage duerch eis Monteuren. Kommt einfach laanscht, mat oder ouni Rendez-vous.
D’Direktioun
Den Andy Engel an de Gilles Buchler leeden zesummen de Familljebetrib, deen den Emile Engel gegrënnt huet. Qualitéit, eng gutt Berodung a Suergfalt am Detail sinn hinnen zwee gläich wichteg.
Andy Engel
Direktioun
Den Andy Engel ass de Jong vum Grënner an am Familljebetrib grouss ginn. Hie wunnt direkt hannert dem Geschäft zu Bäreldeng. No sengem Studium a Wirtschaft zu Nanzeg ass hie bei säi Papp an d’Firma komm.
Gilles Buchler
Direktioun · Montage & Service
De Gilles Buchler wunnt ganz no, tëscht dem Geschäft zu Bäreldeng an eisem Lager zu Steesel. Mat vill Gedold a gudder Organisatioun koordinéiert hien d’Montage vun Ärer Kichen an de Service.
Är Beroder
Si empfänken Iech am Showroom, lauschteren Är Wënsch no a plange mat Iech déi Kichen, déi bei Iech passt.
Stéphane
Berodung & Verkaf
De Stéphane huet e frësche Bléck an e gutt Gefill fir Faarwen. Hie kombinéiert gär Faarftéin, Materialien an esouguer verschidde Stiler vu Miwwelen zu Raim mat Charakter. Hie lauschtert genee no a sicht esou laang, bis d’Léisung wierklech bei Iech passt, och wann se ongewéinlech ass.
Toni
Berodung & Planung
Den Toni kënnt aus dem Bau an aus der Branche vun de Luuchten. Hien huet e Bléck fir Raim, Liicht an technesch Detailer, plangt suergfälteg an duerchduecht a kombinéiert Faarwen a Materialie mat vill Gespier.
D’Häerz vum Haus
Alex
Sekretariat & Comptabilitéit
D’Alex ass déi gutt Séil vum Haus. All Moie këmmert hatt sech mat Freed ëm d’Sekretariat an d’Comptabilitéit, a wou Hëllef gebraucht gëtt, ass hatt do. Opmierksam an häerzlech suergt hatt dofir, datt alles gutt leeft, an der Equipe an och fir eis Clienten.
Eis Monteuren
Montage
Eis Monteure bauen hiert ganzt Beruffsliewe laang Kichen an. E puer vun hinnen hunn nach mam Grënner vun der Firma, dem Emile Engel, zesumme geschafft. Wäit Weeër scheien si net: Vill Kichen hunn si och an de Vakanzenhaiser vun eise Clienten agebaut.
Schwätze mir iwwer Är nei Kichen
Maacht e Rendez-vous an eisem Showroom zu Bäreldeng. Mir huelen eis Zäit fir Är Wënsch a plangen Är Kichen zesumme mat Iech.